ماهو المعدل الموزون لطلاب بكالوريا 2021 ؟
بعدما يتحصل الطالب على شهادة البكالوريا ان شاء الله , رايح يختار مجموعة من التخصصات الجامعية ( مابين 06 إلى 10 تخصصات )
- كاين تخصصات لي مافيهاش شروط , يعني أي طالب مهما كان المعدل تاعو يقدر يختارها
- وكاين تخصصات جامعية لي فيها بعض الشروط , نمدلكم بعض الأمثلة على هاذ الشروط , وان شاء الله لما يكون عندي الوقت نحاول نشرحها على شكل كتابة أو فيديو
- مثلا عندنا المدارس العليا للأساتذة كاين شرط السن : لازم مايفوتش الطالب 24 سنة في نهاية هذا العام ( وكاين أيضا شرط المعدل العام )
- كيما ذكرت كاين شرط '' المعدل العام '' , يعني المعدل تاع البكالوريا هل يكون يسمحلك باش تقرا في تخصص جامعي معين ( ولكن هنا متقدرش تعرف المعدل بالضبط لي يسمحلك باش تقرا تخصص جامعي معين ,لأنو يختلف من عام لآخر ) وهاذي النقطة نديرلها منشور وحدو ان شاء الله ونفهمكم في المعدلات الأولية والنهائية .
- كاين شرط آخر لي داروه جديد هاذ السنة وضافوه على بعض التخصصات
هاذ الشرط يسموه '' المعدل الموزون ''
- هاذ المعدل الموزون نحسبوه ( عندو علاقة مع المعدل العام تاع البكالوريا , والعلامة تاع مادة معينة )
- طريقة حساب المعدل الموزون تختلف من شعبة إلى أخرى
- وتختلف أيضا من تخصص جامعي لآخر ( نحتاجوه في بعض التخصصات الجامعية ماشي كامل )
- نديرو كمثال التخصصات الطبية : طب , طب أسنان , صيدلة
الشروط :
1- بالنسبة لشعبة علوم تجريبية ورياضيات :
- لا يوجد أي شرط للمعدل العام
- الشرط هو أن يكون المعدل الموزون يساوي أو يفوق 15 حتى تتمكن من الترشح لأحد التخصصات الطبية
المعدل الموزون لهاته الشعب هو :
(معدل البكالوريا 2x + علامة علوم الطبيعة والحياة )/3 .
2- بالنسبة لشعبة تقني رياضي :
- لا يوجد شرط للمعدل الموزون
- الشرط هو أن يكون المعدل العام يساوي أو يفوق 15
ملاحظة :
1- الترشح لاختيار أحد التخصصات الطبية لا يعني أنك ستدرسها , بل ستكون هناك عملية ترتيب حسب عدد الطلبات وعدد الأماكن المتوفرة , يعني أن معدل القبول النهائي سيرتفع وسنعرفه بعد ظهور نتائج التوجيه
2- هناك أولويات لهاته التخصصات الطبية عند الاختيار , الأولوية الأولى هي لشعبة علوم تجريبية , ثم رياضيات , ثم تقني رياضي
- كتابة خالد كروش -
تعليقات
إرسال تعليق